મિત્રો આ સાઈટ મા તમને ઘણુ બધુ જાણવાનુ મળશે ગઝલ, વાર્તા, જોક્સ, ઈન્ટરનેટ ને લગતી પણ માહિતી મળશે.હુ એન.જી પટેલ પોલિટેક બારડોલી ની ઈલેક્ટોનીક્સ અને કોમ્યુનીકેશન ઈજનેર મા ભણુ છુ.તમારા મિત્રો ને પણ આ સાઈટ વિસીટ કરવા કહેજો. આવજો મિત્રો...
free counters

જ્યા જ્યા વસે એક ગુજરાતી, ત્યાં ત્યાં સદાકાળ ગુજરાત,

જ્યા જન્મ લીધો છે ગુજરાતીઓ એ ગર્વ છે તે ભુમી પર, જ્યા જ્યા વસ્યો છે ગુજરાતી ગર્વ છે તેની કમૅભુમી પર, દેશ કે વિદેશમાં હોય યારો,ગુજરાતી હોય જે જે ભુમી પર, જ્યા વસે એક ગુજરાતી યારો,ગર્વ છે મને તે ભુમી પર, ગર્વ છે હું ગુજરાતી છું,મને ગર્વ છે હું ગુજરાતી છું ગર્વ થી કહો હું ગુજરાતી છું યારો ગર્વ થી કહો હું ગુજરાતી છું

શનિવાર, 26 ફેબ્રુઆરી, 2011

પત્નીને ખુશ રાખવાના થોડાક ઉપાય.............કુંવારાઓ માટે શું? એવા વાહિયાત સવાલો અહી ન કરવા.



અહી પત્નીને ખુશ રાખવાના થોડાક ઉપાય બતાવ્યા છે. એ તમારે જાણવા જોગ.

1. તમે તમારી પત્ની સાથે વાતચીત કરતા હોવ ત્યારે વચ્ચે ના બોલો
2. સવારે ઓફિસ જતા મોજા જાતે શોધી લો
3. ઓફિસથી ઘેર આવીને મોજા બાથરુમમાં જાતે ધોવા નાખો
5. એ બીજા શહેરની હોય તો એના શહેરની કોઇ પણ ખુબી શોધી એના વખાણ કરો (અરે, આ તો શાયરોનુ શહેર નહી? પેલા કવિ “બેવકુફ” અહીનાં જ નહીં?)
6. એની કોઇ પણ સહેલીના રુપના વખાણ ક્યારેય ન કરો
7. એની સહેલી ઘેર આવી હોય તો ડ્રોઇંગ રૂમમાં વારેઘડીયે આંટા ન મારો
8. એની મમ્મીની રસોઇના વખાણ કરો
9. “હું કેવી લાગુ છુ” નો પ્રમાણિકપણે જવાબ આપવો શકય ના હોય તો એમ કહો કે “ આજે તો તું સાવ જૂદીજ લાગે છે”
10. એના મામાની સરકારમાં બહુ પહોંચ છે એવુ કહો, સાસુ પણ ખુશ રહેશે
11. "તારા પપ્પા બહુ સોશિયલ છે” એવુ મહિને ઓછામા ઓછુ એક વાર કહો
12. ટીવી જોતી વખતે : “અરે, જોતો, આ કેટરિનાએ તારા જેવી જ હેરસ્ટાઇલ કરી છે” એવુ કહો.
13. તમારી વાત ટુંકમાં કરો.
14. એના પિયરિયાનો ફોન હોય અને “આજે શાક કેવી રીતે દાઝી ગયુ?” એ વિષય પર લાંબી વાતચીત ચાલતી હોય તો તમે તમારા અગત્યના કામ પડતા મુકી ધીરજપુર્વક એ ફોન પુરો થાય ત્યાં સુધી રાહ જુઓ.
15. જમવા બેસતી વખતે પાણી જાતે ભરી લો
16. એની વાત ધ્યાન પુર્વક સાંભળો છો એવુ એટલીસ્ટ બતાવો તો ખરા જ.
17. એ કશુ કહેવા આવે તો છાપુ બાજુ પર મુકી વાત સાંભળો.
18. એ વાત કહેતી હોય ત્યારે ટી.વી. મ્યુટ કરી દો!
19. ઉતરન અને ક્રિકેટ મેચ સાથે ચાલતા હોય તો ઉતરન ચાલતી હોય તે ચેનલ મુકો. એ જો ભુલે ચુકે સામો વિવેક કરે તો એમ કહો કે “મેચ તો રોજ આવે છે”
20. એ એમ કહે કે “આજે બહુ ગરમી છે” તો પંખો ફાસ્ટ કરો યાર!
21. એ એમ કહે કે “આજે બહુ થાકી ગઇ છુ ” તો તરત કહો કે “ચાલ, આજે બહાર જમવા જઇએ”
22. એ એમ કહે કે “આજે રસોઇ કરવાનો મુડ નથી” તો તરત કહો કે “સાચુ કહુ, હું તો પીઝા મંગાવવાનુ જ વિચારતો હતો”
23. વાત વાતમાં એના સોગંદ ખાવ (તારા સમ, તુ સાચે આજે જુદી લાગે છે!)
24. બેડરુમમાં બામની વાસ સહન ના થાય તો ફરિયાદ કર્યા વગર કોક દિવસ ડ્રોઇંગરુમમા સુઇ જાવ.
25. કોઇ પણ ફરિયાદ કરવી હોય તો સીધી નહી પણ આડકતરી રીતે કરો જેમ કે: દાળ પાણી જેવી હોય તો “ આજે દાળ કંઇક જુદી જ હતી!” અને રોટલી કાચી બને તો “આ વખતે ઘંઉ સારા નથી આવ્યા” એમ કહો.
નોંધ:
૧) આ ઉપાયો અંગે લખનાર કોઈ ગેરેંટી નથી આપતા, તેમજ ઉપાય કારગત ના નીવડે તો આ અંગે કોઈ પણ પ્રકારની તકરાર કરાવી નહિ.
૨) આ ઉપાયો મેં અજમાવેલા છે કે નહિ તેવો બેવકુફ જેવો પ્રશ્ન કરવો નહિ. બેવકુફ જેવા પ્રશ્નો પૂછવાની પેટન્ટ મારી પાસે છે.
૩) ઉપરના ઉપાયો પર પિષ્ટપેષણ કરી સમય બગાડવો નહિ. એટલા સમયમાં પત્નીની ઘણી સેવા થઇ શકે છે.
૪) કુંવારાઓ માટે શું? એવા વાહિયાત સવાલો અહી ન કરવા

ગુરુવાર, 24 ફેબ્રુઆરી, 2011

પ્રેમાળ પતિ - બત્રીસ કોઠે દીવા:

ક્લબમાં બાવન પાનાંની રમત જોરદાર જામી છે ત્યાં ટેબલ પર પડેલા એક મોબાઈલની રીંગ વાગે છે.

રમતમાં મશગુલ એવો એક અઠંગ ખેલાડી ફોન લેવા માટે સ્પિકર ફોન ચાલુ કરીને હાથમાં પત્તાં રમાડતાં વાત શરુ કરે છે…

ખેલાડી - “એલાવ…”

સામે છેડે - “વ્હાલા, તું ક્લબમાં છો?”

ખેલાડી - “હા”

સામે છેડે - “હું અહીં મૉલમાં ખરીદી કરવા આવી છું અને મને જરી ભરતથી ભરેલી સાડી ગમી ગઈ છે,

રૂ. ૫,૦૦૦ કહે છે લઈ લઉં?”

ખેલાડી - “લઈ લે ને, વહાલી, એમાં પુછવાનું હોય કાંઈ?”

સામે છેડે - “ઝવેરીનો ફોન આવ્યો તો, તેની પાસે નવી ડિઝાઈનના ડાયમંડસેટ આવ્યા છે, પસંદ પડે

તો એકાદ લઈ લઉં?”

ખેલાડી -”શું રેંજમાં છે?”

સામે છેડે - “લાખ સવા લાખ સુધી થઈ જશે…”

ખેલાડી - “તારી ખુશી માટે સવા લાખ મંજુર છે..”

સામે છેડે - “ગાડીની ડિસ્કાઉન્ટ ઓફરનો આજે છેલ્લો દિવસ છે, મારા માટે…”

ખેલાડી - ‘વ્હાલી આજે હું બહુ ખુશ છું, તેને જોઇતો મોડલ આજે જ નોંધાવી દેજે, કિંમતની ચિંતા ન

કરતી”

સામે છેડે - સારું, રાતે વહેલા ઘરે આવજો, આઈ લવ યુ.”

ખેલાડી - “આઈ લવ યુ ટુ!”

ફોન મૂકાઈ ગયો, બધા ખેલાડી રમત છોડી તેની સામે જોઈ રહ્યા હતા અને વિચારતા હતા કે વાહ ! આને ખરો પતિ કહેવાય !

- ત્યાં તેણે સ્મિત સાથે બધાને પૂછ્યું - “આ કોનો મોબાઈલ છે?

મંગળવાર, 22 ફેબ્રુઆરી, 2011

સૌરાષ્ટ્રનો રાષ્ટ્રીય મુખવાસ = માવો – જીગ્નેશ અધ્યારૂ


માવો એટલે ? કોઇ માવો શબ્દ ઉચ્ચારણ કરે તો તમારા મનમાં કયું ચિત્ર ખડું થાય? દૂધનું વિઘટન કરી બનાવાતા માવાનો વિચાર તમને આવે? તો આ લેખ પૂરતા તમે ખોટા છો. આ લેખમાં દેવોને પણ અતિદુર્લભ અને છતાં સૌરાષ્ટ્રમાં ડગલે ને પગલે સુલભ એવા માવાની અમે વાત કરવાની હિંમત કરીએ છીએ.
જો જો …. ભૂલેચુકેય મીઠાઈઓના બાદશાહ પેંડાનો આત્મા એવા દૂધમાંથી બનતા માવા વિશે સમજતા નહીં. એ માવો તો આ “માવા”ની કેટેગરીમાં ક્યાંય આસપાસેય ફરકતો નથી. એનું લેવલ ક્યાં અને ક્યાં આ “માવો”….અહાહા … જેનું નામ સાંભળતા વેંત કેટલાયનાં હાથ સળવળી ઉઠે અને મોંમાંથી પાણી જતું રહે તે આ માવો …..જેને પામવા કેટલાંય મજનુ હેઠો પડે એ હદની દિવાનગી સુધી જતા રહે અને જેના વગર ઘણાંય પોતાના અને પાનવાળાઓના જીવન તુચ્છ ગણે છે તે …. હજીય ન સમજ્યા ? … તો  હવે અમે જ સસ્પેન્સ ઉઘાડીએ …. ભગવદ્વોમંડલ મુજબ “માવા” શબ્દનો એક અર્થ થાય છે, “બારીક નરમ ભૂકો; નરમ સુંવાળું ને ગાઢું સત્ત્વ” આ ઉપરાંત તેના અન્ય અર્થો છે “સત્વ, સાર, ગર્ભ”, પણ એક મહાન સત્યને તેઓ ચૂકી ગયા છે, માવો એ સૌરાષ્ટ્રનો રાષ્ટ્રીય મુખવાસ છે, તેની મહત્તાને ધ્યાનમાં રાખીને એની વ્યાખ્યા ઉમેરી દેવા અમારું હાર્દિક સૂચન છે.
આપણે જેની વાત કરી રહ્યા છીએ તે માવો એટલે સોપારી, ચૂનો તમાકુ, કિમામ, બહાર વગેરે જેવા અને અન્ય કેટલાક અત્યંત માદક સુગંધી (જેની સુગંધ ફક્ત તેના વપરાશકર્તા કે માણનારને જ ગમે) દ્રવ્યોને પ્લાસ્ટીકનાં એક નાનકડા ચોરસ કટકામાં ભેગા કરી, મિશ્ર કરી (હદ ઉપરાંત ચોળવું તે) , મસળીને ઉપયોગમાં લેવાતું ચૂર્ણ. તે તમાકુ, ચૂનો અને સોપારીનું સત્વ છે, તે આનંદ નો ગર્ભ છે, બધાં બંધાણનો સાર છે.” આમ એક રીતે ભગવદ્ગોમંડળ પણ માવાની વ્યાખ્યા મૂળભૂત રીતે સમાવી લે છે.
વપરાશકારોની સ્વાદપ્રિયતા અને અંગત પસંદગીને માન આપીને સંશોધન દ્વારા શોધવામાં આવેલા, કાઠીયાવાડ વિસ્તારની ગલીએ ગલીએ પાનની દુકાને અનાધિકૃત વિક્રેતાઓ દ્વારા મળતા માવાના અનેક પ્રકારો અને પેટા પ્રકારો ઉપલબ્ધ છે. મુખ્યત્વે 90, 120, 135, 300 જેવા અનેક અંકો રૂપી પ્રકારો ધરાવતા માવા અને તેમાં ઉમેરાતા જીહવા પ્રિય સુગંધિત અને સ્વાદિષ્ટ પદાર્થો જેવા કે તમાકુ, કીમામ પાઉડર, બહાર, વગેરેના લીધે માવાની મહત્તા દિવસે ન વધે એટલી રાત્રે અને રાત્રે ન વધે એટલી દિવસે વધે છે.
શરૂઆત માવા ખાતા મિત્રોના વણમસળાયેલા મિશ્રણમાંથી એકાદ બે સોપારીના કટકા લઇ, સાફ કરી, ખાવાથી થાય છે. જે ફક્ત થોડોક સમય જ ચાલે છે. હજી શરૂઆતના તબક્કે હોય અને એકલી સોપારીના સ્વાદથી કંટાળ્યા હોય તેવા વીરલાઓ અખતરા કરવા, મિત્રોને જોઇ જોઇને અને કાંઈક નવું અલભ્ય આનંદદાયક મેળવવા માવા તરફ વળે છે. તમાકુના વિવિધ પ્રકારો વચ્ચે તે પોતાને ફાવતો એવો એક અંક પસંદ કરી એ જ પ્રકાર ખાવો એમ ગાંઠ વાળી લીધી હોય તેમ પછી દર વખતે માવો બંધાવતી વખતે ” 90 નો ” એમ કહે એટલે દુકાનદાર એ સંકેત સમજી જાય છે. માવો ખાવાના વળગણની ખાસીયત ઘણી વખત એ વાતથી વધુ સ્પષ્ટ થાય છે કે ઘણા એકલવીરોનો માવો બંધાવવાની જગ્યા, એટલેકે કોઇક પાનની દુકાન નક્કી હોય છે. ગમે તેટલી વ્યસ્તતા વચ્ચે એ દુકાને પહોંચીને માવો બંધાવવા તેઓ બધુંય કરી છૂટે છે. બહાર ગામ જવાનું હોય તો અગાઉથી પાનવાળાને ફોન કરી “લાલો બોલું, મારા પાંચ માવા બાંધી રાખજે” જેવા સંદેશા પહોંચાડી દેવાય છે, એટલે તમે ત્યાંથી નીકળો ત્યારે ફક્ત માવા લેવાના જ રહે (પૈસા આપવા પરમેનેન્ટ મહીનાવાર હપ્તો બાંધેલો હોય છે.)
જો કોઇક વખત વખાના માર્યા તેમને બીજા કોઇ પાનવાળા પાસેથી માવા બંધાવવાના આવે તો જાણે ગ્લોબલ વોર્મિંગથી દુનિયા રસાતળ જવાને કલાકો ગણાતા હોય એવી અધીરાઇથી પેલાને સૂચનાઓ આપે છે, “120 નાખજે, કાચી સોપારી કટકા થોડાક વધારે નાખજે, ચૂનો પાતળો રાખજે, નહીં જેવી લવલી નાખજે”. ઘણાંને સવારે માવો ખાધા વગર એમનું પેટ એમને સથવારો આપતું નથી. ઘણાં બ્રશ કર્યા પહેલા માવો ખાવા અધીરા હોય અને ઘણાં ચા પીધા પછી. હવે પોર્ટેબલ માવા કે પાર્સલ માવાના નામે ઓળખાતી નવી સગવડ શરૂ થઇ છે, જે અંતર્ગત એક ટચૂકડા પાઉચમાં ચૂનો અને પાણી તથા અલગ પ્લાસ્ટીકમાં સોપારી, તમાકુ જેઆ દ્રવ્યો ભેગા કરી અપાય છે. એટલે જ્યારે તમારે માવો ખાવો હોય ત્યારે એ પાઉચ તોડી, ચૂનો અને પાણી અન્ય દ્રવ્યો સાથે મિશ્ર કરી ખાઇ શકાય છે. આમ માવો એ નવી શોધનું કેન્દ્રબિંદુ પણ બની રહ્યો છે.
જો કે ઘણી વખત કરકસર પ્રિય મિત્રો પોતે પૈસા ન ખર્ચવા પડે એટલે પોતાની આજુબાજુ માવા ખાવા વાળા પર્ રીતસરની ” વોચ ” રાખે છે, અને જેવા પેલા માવો ખાવાની તૈયારી કરે એટલે “લાવો થોડોક ખાઇએ” એમ કહીને હાથ લંબાવે છે. આવા લોકો “ધરમની ગાયના દાંત ન જોવાય” એ ન્યાયે ગમે તે “સ્ટાન્ડર્ડ અને ક્વોલિટી” ના માવાને “એડજસ્ટ” થઇ જાય છે. તેમને પોતાને કોઇ નિયમો હોતા નથી, પણ ફક્ત “પારકો માવો ફ્રીમાં ખાવો” એ જ તેમનું અંતિમ ધ્યેય હોય છે. આ સરળતાથી ઉપલબ્ધ માવો ખાવા તેઓ ઘણી વખત ચોળી આપવાની અને મિશ્રણની પ્રક્રિયાઓ સ્વયંસેવાના ભાવથી હસતા હસતા કરી આપે છે. આવા લોકો આસપાસ હોય ત્યારે સામાન્ય રીતે તેમના મિત્રો પણ માવો ખાવાનું બંધાણ થોડીક મિનિટ આઘું ઠેલી દે છે.
રોજે રોજના થતા અનરાધાર ખર્ચથી બચવા અને છતાંય આ રાજસી ચૂર્ણનું સેવન કર્યે રાખવા આ સિવાય પણ ઘણાં રસ્તા છે, આ ક્ષેત્રમાં પદાર્પણ કરતાં કરતાં આગળ બે રસ્તા મળે છે. એક ફાંટો તમાકુ અને ચૂના મિશ્રિત ચૂર્ણ તરફ અને બીજો ગુટખા તરફ જાય છે. માવાના અનરાધાર થતાં ખર્ચથી બચવા “કોસ્ટકટીંગ” ના રસ્તે જતા ગુટખા આવે છે. એક થી દોઢ રૂપીયામાં મળતા આ ગુટખા ખીસ્સાને પરવડે અને જીભને સ્વાદ આપે (ભલે આસપાસ વાળાઓ તેની ગંધથી અધમૂવા જેવા થઇ જાય). પડીકી ખોલો અને ગુટખાને મોંમાં ભભરાવો એટલે કામ પત્યું. રસિકો દિવસમાં પંદર પંદર ગુટખા ખાઇ જાય છે. એક મિત્રને તો મેં એવી પણ સલાહ આપી હતી કે જેટલા ગુટખા ખાય છે એટલા રૂપિયાના જો ગુટખા કંપનીના શેર તેણે લીધા હોત તો એ કંપનીનો ડાયરેક્ટર થઇ ગયો હોત. પણ માવા કે ગુટખા ખાવા વાળાઓ દ્રઢ નિશ્ચય હોય છે, તેમની માવો ખાવાની મહેચ્છાઓ ભીષ્મ પ્રતિજ્ઞા જેટલી અફર હોય છે. દસ દસ વખત માવાનું અને ગુટખાનું બંધાણ છોડ્યાના દાખલા પણ નોંધાયા છે. ગીનીસ બુક ઓફ વર્લ્ડ રેકોર્ડ વાળાએ મહત્તમ વખત માવો છોડનારનો રેકોર્ડ દાખલ કરવો જોઇએ, તો તેમાં મહાન સ્પર્ધા જોવા મળે.  ઘરવાળાઓ કે મિત્રો ગમે તેટલું કહે, “અમે એક વખત ચાલું કરી દીધું એટલે હવે રહેવાતું નથી, છૂટતુ જ નથી” એમ કહી એ પોતે છૂટી જાય છે. બીજાને માવો ખાવાની ટેવ ન પાડવાની સલાહ પણ જેમ બુશ યુધ્ધ ન કરવાની કે રાખી સાવંત ચુપ રહેવાની સલાહ આપે એટલી સહજતાથી આપી દે છે.
અમે તો એમ પણ કહીએ છીએ કે પારસીઓ સંજાણ બંદરે ઉતર્યા ત્યારે મહારાજાએ જો દૂધની બદલે પાર્સલ માવો મોકલ્યો હોત તો પારસીઓએ માવામાં ચૂનો ઉમેરી મિશ્ર કરી એવો સંદેશ આપ્યો હોત કે જેમ માવામાં ચૂનો ભળી જાય છે તેમ અમે પણ તમારી પ્રજામાં ભળી જઇશું. માવો એ સૌરાષ્ટ્રના દરેક ગામ, મહોલ્લા, શેરીમાં સાર્વત્રીક, સામાજીક અને સાહજીક વસ્તુ છે, લગ્ન વખતે જાનૈયાઓને થાળમાં બીડી, સિગરેટ અને તમાકુ સાથે માવાય મૂકવામાં આવતા હશે. માવો સમાજનું અભિન્ન અંગ છે. માવો ખાવાની શરૂઆત કરો એટલે આસપાસના બે ત્રણ જણા નજીક આવી જાય અને એકતા સાથે ભાઇચારાનું અનોખું બંધન રચાય છે. એક બીજા પર આધાર અને વિશ્વાસ રાખવાનું શરૂ થાય છે અને આમ સમાજ બંધનમાં, કૌટુંબિક ભાવનાના વિકાસમાં પણ માવાનું યોગદાન અનોખું છે. માવા પર હજી વધુ ધ્યાન કેન્દ્રિત કરવામાં આવે તો તે સૌરાષ્ટ્ર સિવાય ભારતના અન્ય ભાગોમાં ખૂબ પ્રખ્યાત થશે, અરે તેના એક્સપોર્ટ અને વિદેશોમાં વેચાણથી વિદેશી હુંડીયામણ પણ આવવાની શક્યતાઓ છે. માવા પ્રેમીઓની લાગણીને માન આપીને વાઇબ્રન્ટ ગુજરાતમાં આવતા વિદેશી મહેમાનોની સરભરા પણ માવાથી કરાવવાની એક પ્રપોઝલ સરકાર સુધી પહોંચાડવાની મહેચ્છા છે. વિચારો કે કોઇ વિદેશી મહેમાન વાઇબ્ર ન્ટ ગુજરાત સમારંભમાંપાર્સલ માવો ચોળીને મોદી સાહેબને ઓફર કરે તો?…….
શું કહો છો મોદી સાહેબ, માવો થઇ જાય ?

ગૂગલને પણ ટક્કર આપી દેશે આ એક વેબસાઇટ!

ટ્રુ નોલેજ ડોટ કોમ નામની આ વેબસાઇટ તમારા બધા જ પ્રશ્નોના જવાબ આપશે

સર્ચ એન્જિન દ્વારા પોતાની સમસ્યાઓના ઉકેલ મેળવવા માટે ગણો લાંબો સમય જતો રહે છે. તેવામાં યુઝર્સનો સમય બચાવવા માટે વૈજ્ઞાનિકોએ એવી વેબસાઇટ બનાવી છે, જે ઈન્ટરનેટ યુઝર્સના સવાલોના સીધા જ જવાબ આપશે. ટ્રુ નોલેજ ડોટ કોમ નામની આ વેબસાઇટની મદદથી પ્રશ્નકર્તા પોતાના સવાલોના સીધા જ જવાબો મેળવી શકશે.

સામાન્ય રીતે કોઈ પણ સર્ચ એન્જિન પર જ્યારે કંઈક જવાબ મેળવવામાં આવે છે, ત્યારે ઘણાં બધા રિઝલ્ટ્સ એકસાથે સામે આવે છે. જેમાં કેટલાંક તો આપણને જોઇતા જવાબ કરતા સાવ જ અલગ હોય છે. આ વેબસાઇટ બનાવનારાનો એવો દાવો છે કે તેના યુઝર્સે સાચો જવાબ મેળવવા માટે વધારે ભટકવું નહીં પડે

સોમવાર, 21 ફેબ્રુઆરી, 2011

ફાલતુ’ સવાલોના ‘ફાલતુ’ જવાબો

મંદિરના પગથીયા ઉતરતા હોઈએ ત્યારે કોઈક સામે મળે ને પૂછે: “કેમ? દર્શન કરી આવ્યા?”
“ના. મંદિરમાં અંદર લાઈન મારવા ગયો હતો!”.

***
સવારે તૈયાર થઈ બ્રીફકેસ લઈ ઘરેથી બહાર નીકળીએ, પડોસી પૂછેઃ “શું નોકરી પર જાવ છો?”
“ના. બગીચામાં આંટો મારવા નીકળ્યો છુ!”.

***
દીકરીના લગન પછી…“શું દીકરી ને વરાવી?”

“ના., આ તો હવાફેર કરવા એના સાસરે ગઈ છે!”.

***

” શું દીકરાને પરણાવી આવ્યા?”

” ના., ના, આ તો બાજુના ગામમાંથી સાતફેરા ફેરવીને, મંગલસુત્ર પહેરાવીને, વીંટી પહેરાવીને અને છેડા બાંધીને ઓળખીતાની દીકરીને ઘરે લઈ આવ્યા!”.

***
કાકાને વરંડામાં ચા પીતાં જોઈ ને…” શું કાકા ચા પીવો છો?”

” ના., રકાબી ચાટું છું!”.

ગુરુવાર, 17 ફેબ્રુઆરી, 2011

પ્રેમ એટલે.....

પ્રેમ એટલે હું નહીં…
પ્રેમ એટલે તું ય નહીં…
પ્રેમ એટલે-
‘હું’ થી ‘તું’ સુધી પહોંચવાની પ્રણયની નાનકડી કેડી…

પ્રેમ એટલે મોસમનો વરસાદ નહીં…
પ્રેમ એટલે વસંતનો શણગાર નહીં…
પ્રેમ એટલે-
પાનખર-રણે ઝઝૂમીને ફૂટી નીકળેલી એક કુંપળ…

પ્રેમ એટલે કૃષ્ણ જ નહીં…
પ્રેમ એટલે રાધા જ નહીં…
પ્રેમ એટલે-
કૃષ્ણની વાંસળીમાંથી રેલાતાં રાધાની ઊર્મિનાં સૂર…

પ્રેમ એટલે કહેવા જેવી વાત નહીં…
પ્રેમ એટલે સુંદર શબ્દોની લાશ નહીં…
પ્રેમ એટલે-
અંતરમાં થતો મૌન ઊર્મિનો મઘમઘાટ

રવિવાર, 13 ફેબ્રુઆરી, 2011

google માં .......

આવે તારી યાદ તો, googleમાં તને શોધ્યા કરું, orkut ને facebook માં ફંફોસ્યા કરું.

છે લાખો profile તારા નામની, હું શું કરું? બધાને હું friend request મોકલ્યા કરું.

છે community ની ભરમાર internet પણ, તારી ગમતી community માં જોડાયા કરું.

નથી બદલતો મારો અવતારને પણ, કદાચ તું પણ શોધતી હોઈશ એમ વિચાર્યા કરું.

મળ્યા તો છે હજારો દોસ્તો તારી શોધમાં, તારી સરખામણીના કોઈ નથી, હું શું કરું?

ક્યાથી હોય net મિત્રોને મારા દર્દનો અહેસાસ, તેમને તો હું રોજ smilly મોકલ્યા કરું.

થાક્યો છું હવે, તને શોધી શોધીને, બનાવે તું પણ હવે તારી profile તેમ ચાહયા કરું.

હે દોસ્ત, હવે તો તું આવ internet પર, ક્યારેક google ને ક્યારેક yahoo માં શોધ્યા કરું

વેલેન્ટાઈન ડે

પ્રેમનો મતલબ એ એક બીજા પ્રત્યેની લાગણીઓનું આદાનપ્રદાન છે. પ્રેમનો અર્થ માત્ર પામવું નથી. તમે જેને ચાહતા હોવ તેનો ઉપયોગ નહીં પરંતુ તેના માટે ‘ત્યાગ’ એ જ પ્રેમની સર્વશ્રેષ્ઠ વ્યાખ્યા છે. વિશ્વની સર્વશ્રેષ્ઠ પ્રણયકથાઓનાં રોમિયો અને જુલિયટની કથા ચિરંજીવ છે. અંગ્રેજી ભાષાના મહાન સાહિત્યકાર શેક્સપિયરે જે નાટકો લખ્યાં, તેમાંનું એક નાટક ‘રોમિયો અને જુલિયટ’ છે. રોમિયો અને જુલિયટની કથા કદી પુરાણી થઈ નથી. આ વિષય પર અનેક વાર ફિલ્મો બની છે અને વારંવાર એ નાટક ભજવાયું છે.

રોમિયો અને જુલિયટની કથા કાંઈક આમ છે.

વેરોના નામનું એક નગર છે. આ નગરમાં બે ઉચ્ચ ગર્ભશ્રીમંત પરિવાર રહેતા હતા. એક પરિવાર કેપ્યુલેટ્સના નામે ઓળખાતો હતો. જ્યારે બીજો પરિવાર મોન્ટેગ્યુસના નામે ઓળખાતો હતો. આ બંને પરિવારો વચ્ચે વર્ષોથી ખતરનાક દુશ્મનાવટ ચાલી આવતી હતી.

મોન્ટેગ્યુસ પરિવારના એક ફરજંદનું નામ રોમિયો હતું. તે દેખાવડો, ગરમ લોહીનો અને છોકરીઓને ગમી જાય તેવો હતો. જ્યારે કેપ્યુલેટ્સ પરિવારમાં પણ એક છોકરી હતી જેનું નામ જુલિયટ. જુલિયટ પણ અત્યંત રૂપાળી અને કમનીય હતી.

આ બંને પરિવારો વચ્ચે વારંવાર સંઘર્ષ થતો હતો. ઘણી વાર શેરીઓમાં પણ લડાઈ થતી હતી. આ લડાઈથી કંટાળીને વેરોનાના રાજકુમારે જાહેર કર્યું કે, “હવે તમે લડાઈ કરશો તો સખત સજા થશે. એ વખતે જુલિયટ માત્ર ૧૩ વર્ષની તરુણી હતી. દરમિયાન કાઉન્ટ પેરિસે જુલિયટ સાથે લગ્ન કરવાની ઇચ્છા વ્યક્ત કરી.

એ વખતે રોમિયોને રોઝલીન નામની છોકરી ગમતી હતી. રોઝલીન પણ એક ખાનદાન પરિવારની કન્યા હતી. એ દિવસોમાં કેપ્યુલેટ્સ પરિવારે એક મિજબાનીનું આયોજન કર્યું હતું. રોઝલીન તેમાં હાજરી આપવાની હતી તેવી માહિતી મિત્રોએ રોમિયોને આપી. આ પાર્ટીમાં કાઉન્ટ પેરિસ પણ હાજરી આપવાનો હતો. રોમિયો છૂપી રીતે આ પાર્ટીમાં પ્રવેશી જાય છે અને અકસ્માતે જ તેની નજર જુલિયટ પર પડે છે. બંને વચ્ચે પ્રથમ નજરે જ પ્રેમ ઉદ્ભવે છે. રોમિયો જુલિયટને પોતાની સાચી ઓળખ આપી દે છે, પરંતુ કેપ્યુલેટ્સ પરિવારનો એક મુખ્ય માણસ રોમિયોનો અવાજ ઓળખી જાય છે અને દુશ્મન પરિવારનો છોકરો તેમના ઘરે પાર્ટીમાં આવેલો જાણી તેનું લોહી ઉકળી જાય છે. વળી તેને જુલિયટ સાથે વાતો કરતો જોઈ તે વધુ ક્રોધે ભરાય છે અને રોમિયોને ત્યાં જ કાપી નાંખવા માટે તલવાર મંગાવે છે. થોડી જ વારમાં કેપ્યુલેટ્સ પરિવારના વડાને આ વાતની ખબર પડતાં તેઓ તેમના નાના ભાઈને સમજાવે છે કે “આજે આપણા ઘરમાં કોઈ રક્તપાત થાય તે ઠીક નથી.”

પરિણામે રોમિયો લાંબા સમય સુધી જુલિયટ સાથે વાત કરતો રહે છે પણ જુલિયટ પ્રત્યેનો પ્રથમ પ્રેમ વ્યક્ત કરવા જુલિયટના હાથને કિસ કરે છે. હવે તેને જુલિયટના હોઠ પર ચુંબન કરવાની ઇચ્છા થાય છે. દરમિયાન એક નર્સ આવી જાય છે અને તે જુલિયટને તેના નામથી બોલાવે છે ત્યારે પહેલી જ વાર રોમિયોને તેના નામથી ખબર પડે છે. પહેલી જ વાર એ વાતની પણ ખબર પડે છે કે તે તેના પરિવારના દુશ્મન પરિવારની જ પુત્રી છે. ઘરમાં કોઈ ખૂનખરાબો ન થાય તેવી કેપ્યૂલેટ્સ પરિવારના વડાની ઇચ્છા હોઈ રોમિયો બચી જાય છે. બંને બાળકો આમ તો ટીનેજ છે.

ઘરે આવ્યા બાદ રોમિયો જુલિયટને ભૂલી શકતો નથી. તે ખાનગીમાં જુલિયટને મળવા પ્રયાસ કરે છે. જુલિયટનું મકાન પુષ્કળ વૃક્ષોથી ઘેરાયેલા મહેલ જેવું હતું. રાતના સમયે તે વૃક્ષોની પાછળ સંતાઈને જુલિયટના ભવ્ય વીલા પાસે આવી પહોંચે છે અને રાતના અંધારામાં એક વૃક્ષની પાછળ સંતાઈ જાય છે. એ જ વખતે અંધારામાં જુલિયટ એના બેડરૂમની બાલ્કનીમાં જ ઊભેલી દેખાય છે. જુલિયટ પણ રોમિયોને યાદ કરતી હોય છે. બાલ્કનીમાં ઊભેલી જુલિયટ બોલતી હોય છે.

“રોમિયો ઓ રોમિયો, તું ક્યાં છે? તું મોન્ટેગ્યુ કેમ છે? તારું નામ રોમિયો મોન્ટેગ્યુ કેમ છે? તું બીજું કોઈ નામ અને અટક ધારણ કરતો કેમ નથી? નામમાં શું છે? ગુલાબને બીજા કોઈ પણ નામથી બોલાવો તોપણ એની મીઠી સુગંધ તો એની એ જ રહે છે.” અને આ સાંભળી રોમિયો વૃક્ષની આડશમાં બહાર આવે છે. જુલિયટ રાજી થઈ જાય છે. બે તડપતાં હૈયાંનું મિલન થાય છે. રોમિયો પ્રેમ માટે તેનું નામ અને પરિવારની અટક ત્યજી દેવા તૈયાર થઈ જાય છે. બેઉ એક બીજાને ચાહે છે તે વાતનો એકરાર કરી બીજા જ દિવસે સવારે મળવા તથા લગ્ન કરી લેવાનું નક્કી કરે છે.

તેઓ ફાધર લોરેન્સની મદદ માંગે છે. ફાધર લોરેન્સ મોન્ટેગ્યુ અને કેપ્યુલેટ્સ પરિવાર વચ્ચે સંધિ કરાવવા ઘણા વખતથી પ્રયાસ કરતા હતા. રોમિયો અને જુલિયટ ફાધર લોરેન્સ પાસે પહોંચી જઈ લગ્ન કરાવી આપવા મદદ માંગે છે. પહેલાં તો ફાધર લોરેન્સને રોમિયોની વાતમાં વિશ્વાસ પડતો નથી, પરંતુ તેની મક્કમતા જોઈ પાછળથી તેને મદદ કરવા તૈયાર થઈ જાય છે. ફાધર લોરેન્સ બંનેને ગુપ્તતાથી પરણાવી દે છે અને એવી ઇચ્છા રાખે છે કે એક દિવસ તો બેઉ પરિવારો વચ્ચે સુલેહ થશે. અલબત્ત, તેઓ રોમિયોને બધું થાળે પડે નહીં ત્યાં સુધી આ લગ્ન ગુપ્ત રાખવા સલાહ આપે છે.

રોમિયો ઘરે પાછો ફરતો હોય છે ત્યારે રસ્તામાં તેનો એક મિત્ર અને જુલિયટનો કઝીન જાહેરમાં ઝઘડતા હોય છે. બેઉ વચ્ચે લોહિયાળ સંઘર્ષ થાય છે, પરંતુ જુલિયટનો કઝીન હવે તેનો સાળો થતો હોઈ રોમિયો નરમ શબ્દો વાપરે છે, પરંતુ જુલિયટનો કઝીન રોમિયોના મિત્રને લોહીલુહાણ કરી દે છે અને તેના મિત્રનું મૃત્યુ નિપજે છે. એ આક્રોશમાં રોમિયો પણ જુલિયટના કઝીનને તલવારથી મારી નાંખે છે, પરંતુ તુરંત જ તેને ભૂલ સમજાય છે. “ઓ ભગવાન, કિસ્મતે મારી પાસે આ શું કરાવી નાખ્યું.”

રોમિયો દેશનિકાલ થાય છે.

હવે જુલિયટ પણ તેના પિતાને રોમિયો સાથે કરેલા ગુપ્ત લગ્નની વાત કહેતા ગભરાય છે. તે આખી વાત છુપાવી રાખે છે. પરિણામે તેના પિતા જુલિયટના કાઉન્ટ પેરિસ સાથે લગ્ન કરાવી દેવાનું આયોજન કરવા માંડે છે. જુલિયટ ફાધર લોરેન્સ પાસે પહોંચી જાય છે. ફાધર લોરેન્સ એક પ્લોટ ઘડી કાઢે છે. તેઓ જુલિયટને કહે છે કે “હમણાં તું કાઉન્ટ પેરિસ સાથે લગ્ન કરવાની હા પાડી દે. ફાધર લોરેન્સ જુલિયટને કહે છે, હું તને એક દવા આપીશ, જે તને ત્રણ દિવસ સુધી બેભાન રાખશે. તને મૃત જાહેર કરાશે. તને એક કોફિનમાં તે દરમિયાન રાખવામાં આવશે. હું રોમિયોને બોલાવી લઈશ અને તે તને બચાવીને લઈ જશે.”

જુલિયટને એક કેફી દવા આપવામાં આવે છે તે બેભાન થઈ જાય છે. જુલિયટને મૃત જાહેર કરવામાં આવે છે. લગ્નના બદલે હવે અંતિમ ક્રિયાની તૈયારી શરૂ કરવામાં આવે છે. ફાધર લોરેન્સનો પત્ર રોમિયોને સમયસર પહોંચતો નથી. રોમિયોને તો એટલી જ ખબર પડે છે કે ‘જુલિયટ મરી ગઈ છે’ તેથી તે પણ બજારમાંથી ઝેર લઈ આવે છે અને વેરોના પહોંચી જાય છે. વેરોનાની કબર કે જ્યાં જુલિયટને રાખવામાં આવી હતી ત્યાં તે પહોંચી જાય છે. એ જ વખતે રાત્રે કાઉન્ટ પેરિસ પણ જુલિયટની કબર પાસે શોક વ્યક્ત કરવા આવ્યો હતો. રોમિયોને તે ચોર સમજી તલવાર ઉગામે છે. બંને વચ્ચે લડાઈ થતાં પેરીસ માર્યો જાય છે. છેલ્લા શ્વાસ લેતી વખતે પેરિસ કહે છે, “મને પણ જુલિયટની કબરની બાજુમાં જ દાટજો.” ત્યારે જ રોમિયોને ખ્યાલ આવે છે કે, “ઓહ ભગવાન! મેં બીજી ભૂલ કરી નાંખી.”

રોમિયો જુલિયટનું કોફિન ખોલે છે. તેના મૃતદેહને જોઈ રહે છે અને જુલિયટના હોઠ પર છેલ્લું ચુંબન કરે છે અને ત્યાં જ તે ઝેર પી લે છે. પરંતુ જુલિયટને અપાયેલી દવાની અસર પૂરી થતાં તે ભાનમાં આવે છે. જુલિયટ તેની બાજુમાં જ પડેલા રોમિયોના મૃતદેહને નિહાળી ચોંકી જાય છે. બાજુમાં પડેલી ઝેરની શીશી જોઈ તે શું થયું હશે તે સમજી જાય છે. રોમિયોના ઝેરવાળા હોઠ પર તે ચુંબન કરે છે. પણ તેથી મૃત્યુ ન નીપજતાં તે રોમિયોના શરીરે બાંધેલું ખંજર ખેંચી કાઢી તેની છાતીમાં ઘુસાડી જુલિયટ પણ મૃત્યુને પસંદ કરે છે.

ફાધર લોરેન્સને ખબર પડે છે કે જુલિયટ મરી નથી એવો પત્ર રોમિયોને પહોંચ્યો જ ન હોઈ તેઓ જુલિયટને બચાવવા કબ્રસ્તાનમાં પહોંચે છે, પરંતુ કબ્રસ્તાનમાં તો રોમિયો અને જુલિયટ બાજુ બાજુમાં જ મૃત્યુ પામેલાં દેખાય છે. રાત્રે બંને પરિવારો ભેગા થાય છે અને ફાધર લોરેન્સ તેમની દુશ્મનીનો હવે કાયમી અંત લાવવા જણાવે છે.

અંગ્રેજી સાહિત્યમાં રોમિયો અને જુલિયટ સ્ટાર ક્રોસ્ડ લવર્સ કહેવાયાં આવે છે અને તે એક ટ્રેજેડી છે. ‘વેલેન્ટાઈન ડે’ નિમિત્તે અંગ્રેજી સાહિત્યની આ ઉત્કૃષ્ટ કૃતિ વાચકોને અર્પણ છે.

શુક્રવાર, 4 ફેબ્રુઆરી, 2011

પ્રેમની ગલીઓ અપરંપાર છે

રેમ અને પ્રેમ થકી મળતી પીડા માણસને એક જ સુવર્ણ સૂત્ર આપે છે કે પ્રેમ કરો પણ સદાય પ્રેમી પાત્રને મુક્ત રાખો.

મૈંને આહુતિ બન કર દેખા યહ પ્રેમ યજ્ઞ કી જવાલા હૈ
મૈંને વિદગ્ધ હો જાન લિયા અન્તિમ રહસ્ય પહચાન લિયા
મેરો જીવન લલકાર બને, અસફલતા હીઅસિધાર બને
ભવ સારા તુમ પર હૈ સ્વાહા, સબ કુછ તપ કર અંગાર બને
તેરી પુકાર આ દુર્નિવાર મેરા યહી નીરવ પ્યાર બને- અજ્ઞેય


સંત કવિ કબીરે પ્રેમ વિશે ઘણાં મુક્તકો લખ્યાં હતાં. બ્રાહ્નણીને પેટે જન્મ્યા પછી માતાએ કોઈ કારણસર બાળક કબીરને એક તળાવમાં વહેતા મૂકી દીધા હતા. પછી એક મુસ્લિમ વણકરે તેને ઉછેર્યા. માતાનો પ્રેમ નહી મળતાં કબીરે પ્રેમ વિશે ધડાધડ ૧૫મી સદીમાં મુક્તકો લખી નાખેલાં.‘બિના પ્રીતિ કા મનવા કહીં ઠૌર ના પાવૈ.’આ સનાતન સત્ય ૨૧મી સદી સુધી અને પછીય સાચું ઠરવાનું છે. માણસને પ્રેમ ન મળે તો તેને જીવવા માટેનો કોઈ મસાલો રહેતો નથી. બીજું મુક્તક આવું છે:

પ્રેમ ગલી અતિ સાંકરી તામેં
દો ન સમાહિ

કદાચ કબીરે ઈશ્વર-અલ્લાહ પ્રત્યેની પ્રીતિ વિશે લખ્યું હશે પણ ઈશ્વરને આજે ક્યાં લેવા જવો? આપણી આજુબાજુની વ્યક્તિઓ છે તેને જ ઈશ્વર માનીને પ્રેમ કરીને જીવવાનું અને મરવાનું છે. પણ આજે જે માનવ છે. આજે માનવની જે પ્રેમની ભૂખ છે તે પહેલાં કરતાં અનેક ગણી વધી છે. વિવિધ પ્રકારની છે. જીવનના દરેક તબક્કાની છે. ૧૩ વર્ષની ઉંમરે પણ પ્રેમ શરૂ થઈ જાય છે. ૪૦-૫૦-૬૦ અને ૮૦ સુધી પણ આ પ્રેમની જવાળા હવે મંદ પડતી નથી. અને ખાસ તો આજે પ્રેમની ગલી કબીર કહે છે તેમ સાંકડી રહી નથી.

પ્રેમની ગલી તમારે આજની હાલતમાં ત્રણ, ચાર, પાંચ લેનવાળા હાઈવે જેવી અતિ પહોળી રાખવી પડે છે! આવું આજનું નથી. પ્રેમની ગલી કબીરે કહ્યાં પ્રમાણે કદી જ સાંકડી રહી જ નથી. દ્રૌપદીએ પાંચ પાંચ ભાઈઓને પ્રેમ કરવો પડેલો. વળી, આજે જાતક કથાનું સૂત્ર સાચું પડે છે-સાથ રહને સે ચાહે મનુષ્ય હો યા પશુ, હૃદય મેં પ્રેમ ઉત્પન્ન હો હી જાતા હૈ. ઓફિસમાં પુરુષાર્થના ક્ષેત્રમાં, લશ્કરમાં (સ્ત્રી-સોલ્જર અને પુરુષ સોલ્જર) સાથે સાથે કામ કરતાં કરતાં પ્રેમ થઈ જાય.

ઘરે પતિને પ્રેમ કરે ઓફિસમાં બોસને કે સહકાર્યકરને અને બચત ભેગી થતાં પર્યટન કરે ત્યાં સાથી પર્યટક સાથે ય પ્રેમ થઈ જાય છે. ભલે ટેમ્પરરી. એટલે કબીર સાહેબને કહેવું પડે કે તમારા જમાના કરતાં અમારો જમાનો વધુ કપરો છે. અમારે મલ્ટિપલ પ્રેમમાં રગડાવું પડે છે. કબીરના જમાનામાં લવ હેડ ઓન્લી વન આસ્પેકટ. પ્રેમનું એક જ પરિમાણ હતું. આજે પરિમાણો વધ્યા છે.

પુરુષ પ્રેમમાં મોનોપોલિસ્ટ થઈ જતો અને સ્ત્રી વફાદારીને નામે, પ્રેમને નામે ગુલામ થઈ જતી. આજે પ્રેમમાં મોનોપોલી ચાલે નહી. એમ છતાંય આ મલ્ટિપલ પ્રેમ કરનારા ૨૧મી સદીનાં પ્રીતિ-પાત્રો કાંઈ યંત્રનાં બનેલાં નથી. તે પાત્રો કબીરના જમાના કરતાંય આજે વધુ સંવેદનશીલ બન્યાં છે. જો બુદ્ધિમાં વિકસ્યા હોય-રોબોટ યંત્રો અને ઈન્ફોટેકના તીસમારખાં બન્યા હોય તો કાંઈ દિલ થોડું વિકસ્યા વગરનું કોરુંધાકોર રહે? આજે દિલ વધુ કોમળ, વધુ પ્રેમાળ અને વધુ ને વધુ પ્રેમ ઈચ્છતું થઈ ગયું છે. પ્રેમના તકાજાય કડક છે. એટલે આજે પ્રેમ કરીને નિરાંતવા થઈ જવાનો જમાનો રહ્યો નથી. કવિ પદમાકરે તેમ જ કવિ બોધાએ આજના પ્રેમયુગની આગાહી વહેલાસર કરેલી.

કવિ બોધાએ કહેલું. યહ પ્રેમકો પંથ કરાલ મહા તલવાર કી ધાર પૈ ધાવતો (દોડવું) હૈ તમે એકાંતરે અખબારમાં જુઓ છો નિરાશ પ્રેમી કે પ્રેમિકા સામા ‘બેવફા’ પાત્રને બંદૂકને ધડાકે દઈ દે છે ત્યારે જ તે સમાચાર બને છે. એટલે આજે પ્રેમ કરવો એટલે તલાવરની ધાર નહીં પણ બંદુકના નાળચા સામે છાતી ધરીને ચાલવા જેવું છે. પ્રેમ કરવો તે બચ્ચાંના ખેલ નથી. સહેલો નથી. સલામતથી જોખમી છે. કવિ પદમાકરની ભાષામાં:

પ્રીતિ-પયોનિધિ મેં ધંસિકે
હંસી કે કિઢબો હંસી ખેલ નહીં ફીર

બેટમનજી! એક વખત પ્રેમમાં પડો અને પછી લાગે કે ગોથું ખાઈ ગયા પણ પછી એ પ્રેમની ધૂંસરીમાંથી છુટવું તે બચ્ચાંના ખેલ નથી. આ બાબત તો આપણા કોઈના વશમાં નથી અને તે બાબતમાં તમે સૌ સારી રીતે ગાલબિની શાયરી કંઠસ્થ કરી ચૂક્યા છો.

ઈશ્ક પર જોર નહીં
હૈ યહ વો આતિશ ગાલિબ
કિ લગાયે ન લગે
ઔર બુઝાયે ન બને

આ ઈશ્કની દુનિયામાં ભલભલાના પગ લપસી જાય છે, કારણ કે પ્રેમ કંઈ અક્કલ લડાવીને થતો નથી. પ્રેમને અને અક્કલને કોઈ રીતે ભળતું નથી. કવિ અકબરે એટલે જ કહેલું.

‘ઈશ્ક નાજુક મિજાજ હૈ બેહદ
અકલકા બોઝ ઉઠા નહી સકતાં

હિન્દી કવિ-સાહિત્યકાર અજ્ઞેયજીએ ‘નદી કે દ્વીપ’ નામની રોમેન્ટિક નવલકથામાં એક સરસ સૂત્ર આપ્યું તેને તેના ત્રણ-ચાર સ્ત્રી પાત્રો છે અને શેખર તેમ જ ભુવન નામનો હીરો છે તે પરિમાણોમાં પાર ઊતરે છે. પ્રેમ અને પ્રેમ થકી મળતી પીડા માણસને એક જ સુવર્ણ સૂત્ર આપે છે કે પ્રેમ કરો પણ સદાય પ્રેમી પાત્રને મુક્ત રાખો. ભલે પછી પ્રેમ ત્રિકોણી હોય કે ચતુષ્કોણી! એન્ડ´ લોઈડ વેબરનો મ્યુઝિકલ ડ્રામા ‘આસ્પેકટ્સ ઓફ લવ’માં પ્રેમનાં જુદાં જુદાં પરિમાણો (આસ્પેકટ્સ) ઉજાગર કર્યાં છે. ફ્રાંસના નાનકડા શહેર મોનપેલિયરમાં એક નાટક મંડળી આવે છે.

તેમાં રોઝ નામની એક ઝવેરચંદ મેઘાણીની ભાષામાં પ્રેમની પતાકડી જેવી સુંદર ફ્રેંચ છોકરી કામ કરે છે. મુગ્ધા છે. પ્રેમના દરિયા જેવી છે. નાટકને બહુ દાદ મળતી નથી. નાટક કંપનીવાળો નુકસાનમાં હોય છે. ગ્રેઝને કહે છે તું તારી આજની રાત સૂવાની વ્યવસ્થા કરી લેજે. રોઝ એક કોફી હાઉસમાં કોફી પીવા બેસે છે ત્યાં નજીકના ટેબલ પર બેઠેલો નટખટ યુવાન નામે એલેકઝાન્ડર તેને જુએ છે. બન્ને વાતચીતમાં પડે છે. રોઝ અને એલેકઝાન્ડર બન્ને એકબીજાનાં સૌંદર્યથી મુગ્ધ બને છે. રોઝ તેની સમસ્યા કહે છે. ‘આજની રાત મારે ક્યાંક ગાળવી છે.’ એલેકઝાન્ડર પણ નવો નવો શહેરમાં આવેલો. રોઝને કહે છે ‘ચાલ મારા કાકાનો સરસ બંગલો નજીકના ગામે છે. ત્યાં તને સૂવા મળશે.

કાકા જ્યોર્જ ૬૦ વર્ષના થયા છે. કાકી મરી ગયાં છે. બીજી કાકી આવેલી તે છોડીને ભાગી ગઈ છે. પણ કાકા મસ્ત માણસ છે. રોઝ આ આમંત્રણ જલદીથી સ્વીકારે છે. દરમિયાન એલેકઝાન્ડર તો રોઝ પર લટ્ટુ થઈ જાય છે અને માની લે છે કે ‘રોઝ પણ તેના પ્રેમમાં પાગલ છે. તે માત્ર ઉતારાનું બહાનું જ કાઢે છે.’ કાકા જ્યોર્જ બન્નેને ખૂબ ઉમળકાથી આવકારે છે. કોણ જાણે રોઝને એ ૧૯મી સદીના અંતમાં જ મલ્ટિપલ લવના જંતુ લાગી ગયા હોય છે. એકવીસ વર્ષની રોઝ સાઠ વર્ષના કાકાના ઉમળકા, ઉમંગ, નિખાલસતા અને સ્નેહભાવની ઉષ્મા જોઈને તેના પ્રેમમાં પડી જાય છે અને એલેકઝાન્ડરને પડતો મૂકે છે. આનું ભાન થતાં એલેકઝાન્ડર ઉશ્કેરાય છે. ઘણા ટોણા મારે છે.

કાકાને પણ રમૂજ થાય છે.... અને એકાંત મળતા રોઝ તો કાકા જ્યોર્જને મધમાખીની જેમ વળગે છે અને ચારેકોર કિસાકિસ કરીને કાકાને પ્રેમથી ભીંસી નાખે છે. કાકા જ્યોર્જ પણ ખૂબ જ સ્નેહ આપે છે. પછી રોઝ તો એક એક્ટ્રેસ છે. ફ્રેંચ કોલેજમાં ભણેલી છે. માતા પણ એક્ટ્રેસ હતી એટલે દુનિયાને ચારેકોરથી જોઈ હોય છે. તેથી ‘કાકા’ના ચહેરાના મનોભાવ અને ચહેરા ઉપરના પ્રશ્નાર્થો પારખી જાય છે.

‘ડીયર જ્યોર્જ! તમે પૂછવા માગો છો ને કે એલેકઝાન્ડર જેવા સ્માર્ટ, હેન્ડસમ અને રોમેન્ટિક તેમ જ મારા પર ફિદા થનારા યુવાનને બદલે હું કેમ સાઠ વર્ષના ‘બુઢ્ઢાને’ પ્રેમ આપવાનું પસંદ કરું છું? પણ સાહેબ! તમે શું કામ આવું પૂછો છો? તમે પોતે પણ જાણો છો કે મને આવા વધુ પડતા યૌવનની મગરૂબીવાળા યુવાન ગમતા નથી.’ આઈ કેન નોટ સ્ટેન્ડ યંગમેન... એમાંથી ઘણા છોકરડા શરમાળ હોય છે કેટલાક મૂંજી હોય છે.

કેટલાક બસ પોતાને જ મહત્વના ગણે છે. તે પ્રેમ કરે છે ત્યારે પોતાની જાતને ખોઈ નાખતા નથી. સતત સચેત રહેતા હોય તેવું લાગે છે. યુવાન છોકરીને આવું ગમતું નથી. ... વળી, આજના યુવાનો જ્યારે પ્રેમ કરતા નથી (રોમાન્સ કરતા નથી) ત્યારે તે ખૂબ જ ઉદ્દિગ્ન હોય છે. એરોગન્ટ અને ડોમિનિયરિંગ હોય છે-માલિકીભાવ વાળા હોય છે... અને તમે?... ઓહ વોટ એ વન્ડરફુલ મેન!

કાકા જ્યોર્જની સાથે તદ્રપ બનીને રોઝ રોમાન્સ કરતી રહે છે તે બધું હારણ થઈને એલેકઝાન્ડર જોઈ રહે છે. તેના ચહેરા ઉપર પણ પ્રશ્નાર્થો હોય છે તે પામીને રોઝ તેના અલ્લડ ચાહકને કહે છે-એલેકસ! હું તારી અને કાકા જ્યોર્જની સરખામણી કરતી નથી. પણ મને કહેવા દે કે હું તેને પસંદ કરું છું. શું કામ? એનામાં અહમ્ નથી. (હી ઈઝ નોટ ઈગોઈસ્ટ) મને પજવતા નથી કે ટોણા મારતા નથી. મારા ઉપર તેઓ ડોમિનેટ થતા નથી. બહુ જ બહુ જ માયાળુ છે. અને મેં જોયું છે કે કોઈને પ્રેમ કરવો એટલે માયાળુ બનવું. માલિક નહીં! ઓકે? આવજો. યુવા પ્રેમીઓ! આ વાર્તા પરથી ધડો લો કે પ્રેમમાં માલિકીભાવ કામ લાગતો નથી. પ્રેમને માલિકી ગમતી નથી.

ચેતનાની ક્ષણે, કાંતિ ભટ્ટ

(www.divyabhaskar.co.in/article/MAG-love-narrow-is-limitless-1811958.html)

Share

Twitter Delicious Facebook Digg Stumbleupon Favorites More