માઇક્રોસોફ્ટ વર્ડ પર કામ કરવા માટે તમે જ્યારે પણ કોઇ નવી ફાઇલ ખોલો છો તો તેને એક નવું નામ આપી સેવ કરવી પડે છે. ત્યાર બાદ પણ થોડી થોડી સેકન્ડ અને મિનિટે કંન્ટ્રોલ એસ આપીને તે ફાઇલને સેવ કરતા રહેવું પડે છે. આ દરમિયાન જો અચાનક વીજળી જતી રહે તો કમ્પ્યૂટર બંધ થઇ જાય છે અને લખેલી બધી મહેનત પર પાણી ફરી વળે છે.
હવે ગુગલની એક નવી એપ્લિકેશનની મદદથી તમારી મહેનત પર પાણી નહીં ફરી વળે. આ માટે ગુગલે માઇક્રોસોફ્ટ એપ્લિકેશન માટે એક ખાસ પ્રકારનું ક્લાઉજ કનેક્ટ ટૂલબાર લોંન્ચ કર્યું છે. આ ટૂલબારને એમએસ વર્ડ, પાવર પોઇન્ટ અથવા એક્સેસમાં ઇનબિલ્ડ કરવામાં આવ્યું છે.
જેની મદદથી ફાઇલને વારંવાર સેવ કરવાની જરૂરિયાત રહેતી નથી. આ ટૂલબાર ફ્રીમાં ડાઉનલોડ કરી શકાશે. આ ટૂલબારની મદદથી યુઝર દુનિયાભરમાં ક્યાંય પણ કોઇ પણ જગ્યાએથી કોઇ પણ મશીનમાં સીધી રીતે એમએસ ઓફિસના ડેટાને ગુગલના સર્વરમાં સેવ કરી શકે છે. એમએસ ઓફિસમાં ક્લાઉડ કનેક્ટ ટૂલબાર સ્થાપિત કરવાની આ રણનીતિ ગુગલ માટે ઘણી ફાયદાકારક રહી છે.
માઇક્રોસોફ્ટની કુલ 62 અજબ ડોલરના વેચાણમાં એમએસ ઓફિસનો હિસ્સો ત્રીજા ભાગ જેટલો છે. કમ્પ્યૂટર યુઝર એમએસ વર્ડનો ઉપયોગ કરતા હોય છે. આવામાં જો આ એપિ્લકેશનને સફળતા મળી જશે તો તો ગુગલને એમસએસ ઓફિસનો સૌથી મોટા નેટવર્કનો ફાયદો થશે. આ ટૂલબાર માટે એક વાર ગુગલના એકાઉન્ટમાં લોગ ઇન કરવું પડશે.
ત્યાર બાદ આ ટૂલબાર આપો આપ તમારો ડેટા સેવ કરી લેશે. બસ ક્લાઉડ કનેક્ટનો ફાયદો લેવા માટે તમારા પીસીને એક વાર ઇન્ટરનેટ સાથે કનેકટ કરવાનું રહેશે. જ્યાં સુધી યુઝરનું એકાઉન્ટ ગુગલમાં રહેશે ત્યાં સુધી તે વ્યક્તિનો ક્લાઉડ ડેટા ગુગલમાં સેવ રહેશે. બધા જ દસ્તાવેજને ઇનક્રિપટેડ તરીકે સુરક્ષિત રહેશે.
આ ડેટાને ફકત એવાં જ લોકો જોઇ શકશે અને બદલી શકશે જે આ ડોકયુમેન્ટની વેબલિંક સાથે જોડાયેલાં હશે. ક્લાઉડ કનેક્ટ ગુગલના ડોક્સ ઓફરિંગનું એક નવી પહેલ છે.
હા, પણ ડોકસ બજારમાં લોકોનું ધ્યાન કેન્દ્રિત કરવામાં અસફળ રહ્યું છે, કારણ કે લોકો હજી પણ એમએસ ઓફિસ એપિ્લકેશન પર કામ કરવાનું વધારે પસંદ કરે છે.
ઓફિસ એપ્લિકેશનની કારોબારીમાં માઇક્રોસોફ્ટ બજારનો હિસ્સો 90 ટકા જેટલો છે. ક્લાઉડ ટૂલબાર માટે આ ફાયદાની વાત છે આ એમએસ વર્ડ સાથે ઇનબિલ્ડ કરીને વેચવામાં આવે છે, જે પહેલેથી જ લોકોની પહેલી પસંદ બનેલું છે. તમે તમારા આઇપોડ, પીસી અથવા સ્માર્ટફોન દ્વારા પણ આ અનોખા ટૂલબારનો ઉપયોગ કરી શકો છો.
0 ટિપ્પણી(ઓ):
ટિપ્પણી પોસ્ટ કરો